ArchFi School
Let Us Learn What ARCHITECTURE Mean
!!ليه تكون معانا ؟
إحنا عارفين إن المنافسة في السوق حالياً بقت صعبة جداً، وعلشان كده هنفضل نشتغل على نفسنا دائماً، وهنشتغل في بيئة تفاعلية مستمرة وحلقات نقاشية تضمن إننا نكتسب وبشكل مستمر مع بعض أكبر فايدة ممكنة، بحيث نقدر نربط حياتنا الأكاديمية بخبراتنا العملية اللي هنحتاج إنها تكون معانا علشان نقدر ننافس في سوقنا
-
النجاح الأكاديمي
في المدرسة تحقيق نجاحك الأكاديمي بيحتاج منك اجتهاد ومتابعة مستمرة علشان في النهاية توصل إن يكون نجاحك مجرد شيء مضمون وليس الهدف النهائي، بمعنى إنه شيء أساسي صحيح لكنه خطوة على طريق طويل هنقطعه مع بعض
-
النجاح المهني
كمعماريين وظيفتنا الرئيسية إننا نحل المشكلات اللي موجودة حوالينا، وعلشان كده حياتنا المهنية مش مفصولة أبداً عن الحياة الأكادمية، بالعكس دي مكملة ليها ونجاحك الأكاديمي بيكون ضمان إنك أخدت خطوة كبيرة وملموسة في طريق نجاحك المهني اللي فيه تقدر تعمل اسمك
-
تحقيق الذات
بالنسبة لنا مقتنعين تماماً إن تحقيق الذات بيكون ناتج عن إحساسك الشخصي بإنجاز تستحق عليه التقدير، وأي إنجاز مهما كان صغير أو كبير أو عمل شخصي المستفيد بيه هو نفسك دائماً بيبدأ بخطوة أولى، وهي خطوة التعلم. مشوار العمارة طويل صحيح بس في النهاية تحقيقك لإنجاز فيه ممكن يدوم إحساسه وإحساس الناس بوجوده للأبد
